السلام عليكم
ومساكم شعر اليوم اخترت لكم قصيده عسا تنال اعجابكم
قالت انت من و قلي من تكون =لايزيد الهرج ويطول الكـلام
صد عني كان عينك ماتمون = لاتصيب بنظرتـك ظبـي العـدام
قلت لك عين ولا كل العيون = ومن يشوفـك والله انـه مايـلام
قالت انتو كلكم ماترحمون = مالكم في الحـب دستـور ونظـام
كل خلق الله عندي يستوون = ماحـد فيهـم لـه بقلبـي جهـام
قلت ربي يعلم انـي يافتـون =مـا ادور بـردا بنـت الحشـام
السماجه والمياعـه والمجـون = كلهـا خليتهـا لهـل الحـرام
يوم شفت البنت تلبس بنطلون = وترمي الغطوه وتمشي باللثـام
قلت ياكف الردا وين المنون = الحياء منزوع من بعـض الانـام
في زمنا ماتو اللي يستحون =راحو الاجـواد وعيـال الكـرام
كان ودك تعرفيني ياشجون =ذيب وابن الذيب لـه قـدر ومقـام
ولد ناس(ن) ينقدون ويشرهون =ومن نصاهم والله انه مايضام
ماتبدلني الحوادث والظنون =وماينسيني الزمن قبـض الخطـام
قالت ارجع ماحد(ن) غيرك يمون =وابرك الساعات لقلت السـلام
ياغريب(ن) ما عليه من تكون =يكفي ان الحظ يوم اقبلت قام
اعتذرت وقلت يانجلا العيون =تعرفين ان الهوى مالـه لجـام
كيف ابرجع للشقاء هذا جنون = كيف ابرجع للهلاكـه والسقـام
في امان الله مجازي من يخون =في امان اللي عيونـه ماتنـام
وســـــــــــــلامتكم
واللي يعرف صاحب القصيده يذكر اسمه لأني للأسف ماعرف صاحبهااا
27-06-2009, 01:17 PM
العرض الشجري