وسحمي عساه بجنة الخلد مثواه // يرتاح فاالجنه وتسترّعينه

[سالم الرتيبان]

هذه القصيده قلتها بعد وفاة عمي /سحمي بن محمد الرتيبان رحمه الله

واسال الله العلي القدير ان يرحمه برحمة الواسعه ويغمد روحه الجنه

صلو على النبي

الله يبيح الي على العز منشاه = انا اشهد ان حن كلنا فاقدينه
والله يبيح الي على الخير مسعاه = يسراه ماتعلم بمدة يمينه
نبكي على فرقاه ونقول يالله = وسط اللحد تنزل عليه السكينه
انشهد انه وافين في مزاياه = ونفسه على الطاعات دايم تعينه
فاالصف الاول مابقى غير ذكراه = والمصحف الي شايله في يدينه
والبيت يفقد صوته الي توحاه = ويفقده ديوانه مثل داهلينه
وعواله السته عوضنا بفرقاه = درسهم دروس الرجال الفطينه
سيرو على دربه وسيرو على خطاه = ياحي دربن قد وطته اقدمينه
وللموت دربن كل منا بيطاه = والقبر والله كلنا داخلينه
احدن يطيب القاه ويطيب ملفاه = واحدن من التعذيب نفسه حزينه
وسحمي عساه بجنة الخلد مثواه = يرتاح فاالجنه وتسترّ عينه

وسلامتكم