الوقت مايرحم وأنا أشلون أبرحمك ../ (هلاليـّه).!

[فــلاح]

صبااح القرنفل والبختري وريح الفل


اسعد الله اوقااتكم في كل مسااء


هلاليــّه لمحبين هذا البحر الجمـيل أتمنى إن تناال إعجااابكم ..

ياسيّـد الغيد العذر فات موعده=وألحين هجرك صار هجر مباح


رح وأدلَه بنفسك وسافر وخلني=ألاحي الورقـا بكل صباح


أطالع الدنيا بقدري وهيبتي=وألبس شعور الصدور وشاح


أنا ماني بشاكي مدام بمفارقك=الصبر قوتي والعزوم سلاح


وقمة غلاك بحجمهـا لا تميّزت=لابـد ينحتهـا هبوب ريـاح


الوقت مايرحم وأنا أشلون أبرحمك=مدام وقتي لي عدوّ نجـاح


أنا بشر ما أشيل من فوق طاقتي=لو كنت عايش في حياة كفـاح


عطيتك شعور ً يوافق مشاعرك=عسله صافي ، يوم ماه قراح


وغنيت فيك اللي ما غناه عنتره=ولا تطابق له لحون صباح


ألحون من رأسي وبإبداع فكرتي=إبداع ً يخلي الخبول صحـاح


بدع ً يبيّـن كنه البدر فـالدجـى=ماهوب نجم ً بان ليل وطـاح


وألحين ماينفع ولا عاد تعتذر=غيرك بنلقـى فارعات ملاح


سافر ولا من ضقت من جور وحدتك=وزادو عليك العاذلين جراح



طلع قصيده قلتها بك قبل سنه=وقل هاذي أجمل ما كتبه (فلاااااح)..!

وسوالم