ولا اررررررروع حــــــــياكم

[بندر التركي]

مرحبا بالجميع

احب اهديكم قصايد للمبدع الشاعر ... حــــــــــــــــمدان الـــــمري

اعجبتني بما تحتوي من كثيرا من العذوبه
فلم استطيع ان اتركها بدون ان تروا انتم
احبتي هذه العذوبه

فها انا انقلها لكــــــــــــــم,,,,,,,,,

ياأنت ياللي كل ماقلت لي (هيـه)
يرجـع يـرد القلـب لبيـه لبيـه
لبيه يارجفة عظامي مـن الشـوق
ولبيـه يـاأول حنينـي وتالـيـه
ولبيه ياخفقـة خفوقـي ليـا مـر
طيفك على عجلاً وانا قمت اناديـه
ولبيه ياصرخة ضلوعي من البرد
(لاغبت عني والولـه مـد يديـه)
ولبيه ياسحراً غشانـي ولاعـدت
أبصر سواه من المخاليق وارجيـه
ولبيه يانبضاً مـع الـدم موجـود
يضخ في شريان صدري ويسقيـه
ولبيه ياعشقـاً شربتـه ولازلـت
أظما واجوع أن حل بالبال طاريه
ياأنت ياقمـة شعـوري أذا جيـت
بعزف شعوري للقوافـي واغنيـه
وياأنت يابرستيج يـاذوق لاصـار
يمك شجي الحرف نـاوي تحديـه
ياانت ياكلّـي و كـل شـي منـي
(يالعمر كله من اوله ليـن تاليـه)
(ياأكسوجيني ياسجيـن المحانـي
بقلبٍ وجودك كنه الروح يحييـه)
ياحاجتـي يامطمعـي ياتفاصيـل
أحلام حلمي فـي حقيقـة تمنيـه
مادامني من حد ضلعـك تكونـت
مابيني وبينـك عتـاب ومشاريـه
ولابيننا قصـة كرامـه أو حـدود
وشعورنا واحد لو أحيـان نخفيـه
يااقرب من الدنيا وأهلها بلا شـك
آمر تدلـل والخطـا لـك بمشيـه
ماانت بمثل غيرك على شان ماقول
لبيه يااميري أذا قلـت لـي هيـه
قل ماتبي ياهيه ياهنوه وش عـاد
القلب قلبك وانت سيـده وراعيـه
تامر ولك سمعاً وطاعه على طول
ولاعاش من هو قال لك لا أو ليـه

-------------------

استاذنـك بسافـر أيـام واجـيـك وان طالت ايام السفـر لا تحاتـي
حتى ولـو طولـت مانـي مخليـك ياللي بدونك ويش تسـوا حياتـي
تامر على حاجـه بودعـك واليـك عسى عـوض الأيـام فالمقبلاتـي
حتى يدي ماودهـا تفـارق يديـك ساكت وانا اشوف البلا في سكاتـي
ماشفتني لا رحت منك التفت فيـك بـلاي والله روحتـي والتفـاتـي
لكن قبل مـا اروح ودي أوصيـك وانت الوحيد اللي يقـدر وصاتـي
لحدن سألك وقال لك ويـن مغليـك قل لـه لـوازم لا قضاهـا بياتـي
وأن طروا النسيان مانـي بناسيـك يـاراس مالـي فالحيـاة وغناتـي
وان طروا السلوان مانـي بساليـك طيفك معي حتى وانا فـي صلاتـي
قلبي وهو قلبـي إذا مـر طاريـك لولا ظلوعي كـان عـزوا مماتـي
لو جض صدري كان يمديه ياتيـك ويبـات عنـدك ويهنـا بالمباتـي
أنا..وقلبي..والغلا..ساكـن" فـيـك وانته..وقلبك..والغلا..وسط ذاتـي
غلاك مثل الحكـم عنـد المماليـك أكبر طموحي...لا...كـل أمنياتـي
شف في غيابي أي حاجـه تسليـك لني بعـدك أسلـى مـع ذكرياتـي
أحـاول اذكـر أي شـي" يطريـك واقول هو سوا وانـا ذي سواتـي
كني مـوادع كـل شـي" حواليـك وكني حسبت حساب حزت وفاتـي
أحب لني ما اقـدر انسـاك وأبيـك ولا اقـدر أخليـك ياللـي تحاتـي
معنى أحب...ومااقدرأنسى...وأخليك يعني بدونك ويـش تسـوا حياتـي

وسلااااااااااااااامتكم

مع ارق التحــايا

اخوكم
بندر الــــــــــتركي