يا بندر ابن سرور ويـن أنـت هالحيـن ؟(رحمة الله عليك)

[حسبي عليك !!]

تدري وش أكبر ذنب في الشرع و الدين؟!..
إنـك تسـب الـلـي خلـقـك و تـذمـه

و تدري وش أكبر عيب عند المياميـن؟!..
انـك تخـاوي لـك مـن النـاس رمــه

و تدري وش أخطار التجاوز من يمين؟!..
إنـه يكـون اللـي علـى البـاب عـمـه

والمشكلـه لا سلهمـت فـيـك بالعـيـن
والريـح تنثـر فـي شعـرهـا وتلـمـه

يضيـع فكـرك بيـن حـد الحجاجـيـن
و يمكـن تجيـب الكـارثـه و المطـمـه

و تدري وش اللي يدبل الكبـد ويشيـن؟!..
بعـض القصيـد اللـي علـى غيـر يمـه

يا بندر ابن سرور ويـن أنـت هالحيـن ؟
ويـن أنـت يـا زبـن الأمـور المهمـه

ويـن القصيـد اللـي يـدك المياديـن ؟!.
و يهـز شيـخ فــوق رأســه معـمـه

الشعـر والشعـار صــاروا عنـاويـن
و مهبـل تـشـري القصـيـد وتصـمـه

صـاروا مثـل مـا قـال لعبـة وراعيـن
وكل(ن)تربـع لـه عـلـى رأس قـمـه

يقـول أنـا الشاعـر و غيـري مجانيـن
ودك علـى مجـمـع حنـوكـه تخـمـه

النـاس تذبـح فـي العـراق و فلسطيـن
و قصايـده يـا حـلـو عيـنـه وفـمـه

عساه يؤخذ في الضحـى قولـوا (آميـن)
اللـي بنـات النـاس شغـلـه و هـمـه

أحـد يحـاول ستـر عـذراء البعيـديـن
و أحـد يـدور بالـردىء بنـت عـمـه

قـد قالهـا بنـدر قبـل عــدة سنـيـن
يثـور معهـا الـحـر و يـثـور دمــه

ولا الـردي لـو مرتـه بـيـن قوسـيـن
تـزول عـن عينـه مــزول المغـمـه

يا بنت شومي عن أهـل الضعـف تكفيـن
مالـك ومـال الـلـي قـريـب مجـمـه

والشاعـر اللـي مـن رجـالٍ مسمـيـن
علـيـك فــرض لازم إنــك تـتـمـه

الـدار .. والعـادات .. والسلم..والـديـن
ثـم عقبهـا وجـه علـى أيــاة يـمـه


للشــــــــــاعر المبدع // $$ نايف بن عرويل $$

$$$ الصارم $$$