منهي اللي لا مرضت تقوووول يايمه دوااكـ

[شيخة الطبع الخجول]

ابياات اتمنى ان تعجبكم كما اعجبتني...
فهي بختصار شديد تحكي قصه شاعر يناجي امه و
هي امامه في قبرها ولم يوضع عليها التراب بعد...
فكان هذا الحوار بين الأبن وبين الأم المتوفاه ..لا اطيل عليكم

** ابتدأ بكـ وإنتهاكـ **

كل ما فيني همس لك كل مافيني دعاك
كل ما فيني يحبك طالبك لا ترحلين

كل ما فيني تألم... ساعه فراقك بكاك
دمعي اللي فاض يمه من عيوني فاض عين

كل مافيني تراجف وانحدر شعري رثاك
يابعد كل القصايد ...يا عنا كل السنين

منهي اللي بتحتويني اذا ابتعد عني دعك
منهي اللي تقول وينك لو تأخر لحظتين

منهي اللي تقول وشبك يا وليدي وش بلاك؟؟
ضاعف ومدري علامك خاطرك ماهو بزين

منهي اللي تقول اكلك مختلف ماهو بذاك
هاك بس ياروح امك لجل ارضى لقمتين

منهي اللي لامرضت تقول يايمه دواك
حتى حبات الدواء... انساها وانتِ تذكرين

يمه بس ردي عليه من لي يايمه سواك
منهي اللي ناصحتني بأمر دنيا وبأمر دين

عايش وماني بعايش يمه اقرب للهلاك
والله ان الياس يمه ساكن بعالي الجبين

اضلمت دنيااااااي يمه عقب ما صرتي هناك
بطن الارض اصبح مقرك واللحد ولحاف طين

والله اني صرت يمه شايف المجرم ملاك
وصرت اشوف الشهم يمه من ردى وقتي لعين

اشتبه يمه بعيني هذا مع ذيا وذيااااااك
واختلط يمه بعيني غثها هو والسمين

يمه اسمي صار يمه مختلف ماهو هذاك
اليتيم اصبحت يمه ... عقبك وحالي حزين

كل مافيني اشتكالك كل مافيني اشتكاك
ليه يايمه رحلتي ليه عني تبعدين؟؟؟؟

استغفر الله من سؤالي ...ما قصدت الا غلاك
الفناء .. شيٍ مقدر بيد رب العالمين

تذكري يوم (ن) جرحتك ......

تذكري يوم (ن) جرحتك ....

تذكري يوم (ن) جرحتك وارتفع صوتي معاك
يوم قفيتي وبعينك يا غناتي دمعتين

يوم تمتمتي عسى الله بس ياوليدي يهداك
يوم كفكفتي دموعك ثم صفقتي اليدين

سامحيني.... كنت مخطي والله لقبل خطاك
ويل حالي كيف يمه...... بتحمل طعنتين؟؟

الزمن مره طعني يوم انا جاحد عطاك
ثم عود لي وطعني يوم عني ترحلين
كل مافيني ابتدأ بك والغلا يمه انتهاك

اسمحيلي قبل ما ارحل بس اقلك كلمتين
ليتها الاقدار ترضى بس تأخذني فداك
والله اني ما تأخر والله اني ما ألين

وإلا اقلك هاك كفي ..يمه المشتاق جااااك
يكفي ابقى بس جنبك ..لو وسط قبرك دفين