{ .... أبـــيـــات الـــعــيــــد ... } (( عـيـدكـم مـبـارك ))

[سالم الحبيشي]

بسم الله الرحمن الرحيم


السلام عليكم ورحمة الله وبركاته . .


أسعد الله اوقاتكم بكل خير يارب





اخواني واخواتي . . كل عام وانتم بخير . . وعيدكم مبارك وعساكم من عواده


بمناسبة قرب العيد باقي عليه أيام اكيد كل انسان يجهز ابيات علشان يرسلها لمن يحب ولكل الاهل والاصدقاء . . علشان كذا حبيت اطرح الموضوع

كل عضو يكتب بيت او بيتين او قصيده معايدة و لمن يهديها . . علشان تكون فيه رسائل كثيرة للمعايدة وكل شخص يختار الرسالة اللي يبيها ويرسلها لمن يحب

اتمنى الكل يشارك نبي احلى ابيات معايدة قريتها او وصلت مسج

( ,,,, ابدأ انا ,,,, )

اهداء لجميع الاعضاء والمشرفين والاداريين وحتى الزوار


لا تتصل وتقول مبروك بالعيد *** تعال عايد دام تسمح ظروفك

العيد ماهو تتصل وانته بعيد *** العيد والله يبتدي من اشوفك

ساعة تجي ومصافح الايد بالايد *** وكفى على طول اللقا في كفوفك

من لهفتي وياك ياسيد الغيد *** مو ناقص الا تضمني في كتوفك

مايجتمع في الحب خوف ومناقيد *** ان عاش معك الحب بيموت خوفك

وانا ادري ان الحب في قلبك ايزيد *** باين من عيونك وكثرة كسوفك

ومدامنا في العيد وصرنا مو اعيد *** ابتفنن يالغضي في وصوفك

زودٍ على حلياك يافارع الجيد *** توقف جميع الناس حزة وقوفك

تدري متى بتجيب في تركي العيد *** لاقلتلي عيدك مبارك واشوفك


اخيكم / ومغليــكم .. { بــعــيــد الــهــقــاوي }