السلام عليكم ورحمة الله وبركاته
×× ,’ ××
شيـله غصـن الغـلآ
,’ أداء محمد السليس كلمات محمد بن الذيب ,’
الكلمـآت
(( على خط جسر بقيق مريت جسر بقيق ..وأنا غترتي من فوق راسي ..ورابطها
دوي الرعد في أذني دوي طايرات الميق ..أبي ديرةٍ ماني بجاهل خرايطها..
على شان من يحلم بزولي ) قبل ما يفيق ..وإذا فاق ذاكرته على الحلم سلطها ..
معاه العذارى لو تهايط مسا وشريق ..علي من غلاه إن قد يوقّف مهايطها
عليه الوصوف النادرة راكبة وتليق.. تحوطه من زود الميانة وحوطها..
كساير ذهبه اللي لها فالنحر تبريق ..تغبطه على منحره والنحر غابطها
")يا غصن الغلا يالله بالخير والتوفيق..تبا تغنم الفرصة معاي أو تفرطها(" ..
جدايله ما تدري وش المشط يابن زريق ..تعرض على شهب الهبوب وتمشطها
أبسمعك بيتين ما هيب للتلفيق ..وبيتين تصلح لك وبيتين سافطها
وبيتين يلحقها من المنتقد تحقيق ..وبيتين ماتعجبك ولا تعابطها
ألذ الوصال مواصلك واحلا ما ذيق عسل نحلته شفتك والثغر مسقطها
غرامك غصن جمره يفوح عليه بريق ..ترفق على كبدي ترى البعد شاحطها
تخبر الدموع اللي سرت من عيونك ضيق ..لقاها هدب عيني حزينة وقلطها
وقامت تجمع من على محجري وتويق ..وإذا حولت ما عاد يمديه يلقطها
لكن ماعليها خوف خلق الدموع تريق ..خدودي لدمعٍ من سبايبك باسطها
صغاير الأمور أشلها والكتوف تطيق ..وعظايم الأمور تهزني وأتباسطها
وأنا ما علي من شلة الضحك والتعليق ..أعرف الخيول النادرة من مرابطها
وأدوّر على الجزلة ولو إنها براس طويق ..وضعاف النفوس الله من الأرض يسخطها
أبي شوفتك من دون موعد ولاتنسيق ..لو إنك ما بين أقوى الرياجيل وأنشطها
عذاب الممات من التوجّاد والتفريق ..ولذيذه ما بين أطراف كبدك وواسطها
لو أحملك ذنبي خطا يا لذيذ الريق (أنا قبل أعرفك رايحٍ في خرايطها)!! )))
07-10-2009, 10:03 AM
العرض الشجري