اهلا هلابك ما يجي راسك اللوم
يضيف عمري رجعتك لي سعاده
اقلط على قلبي معزز ومحشوم
كرامتك فنجال عشقي زياده
يوم ان بعض الناس فالحب محروم
يجيك فنجال الغلا منه ساده
هنا مكانك وسط صدري ومخدوم
ان نمت اصفصف لك ضلوعي وساده
وان كان تبغى شي ما والله تقوم
يجيك مطلوبك بلطف وركاده
اجلس وسولف لي واخذ مني علوم
فالغيبه اللي جات من غير عاده
لا هي من اسبابي ولا انت محكوم
بسبابها يامن زهتك القلاده
اربع سنين وناظري منك محروم
الليل يغريني اليا اقبل سواده
فينا تشابه كلنا حزن وهموم
ونملك على صكات بقعا ايراده
لكن والله ما نسيتك ولا يوم
وانك معي الا بوقت العباده
بالمختصر في كوم والعالم بكوم
غلاي لك يابنت سكر زياده
====================================
05-11-2009, 12:38 PM
العرض العادي
