يا مزين ابياتك ولو فيها خلل
فالوزن والمعنى وحرف القافيه
لانك عسل ولسانك ينقّط عسل
اقل كلمة منْك عندي كافيه
لبّا بيوت الشعر وحروف الغزل
ولبّا الرموز الظاهر والخافيه
لبّا البرائه والنعومه والخجل
ولبّا العيون الصاحيات الغافيه
لبيك كلك .. من-الى .. وصل و زعل
وبكل حالاتك حروفك شافيه
اشفى بها واحيا بها منذ الازل
وابرد عباراتك بقلبي دافيه
حتى البخل في قولتك : مالك امل؟
توفي معي حتى لو انها جافيه
وحتى الطلب لو رد ما احس بملل
واكره نعم واحب لام النافيه
خل العواذل لا تسمّع للعذل
من العباد الوالعه والطافيه
وابسط مثل لوجيت بضرب لك مثل
ان المشاعر في غرامك وافيه
من سار في دربه على النيه وصل
وانا معك لو كان رجلي حافيه
امشي معك كامل عقل والا خبل
بس المهم ان النوايا صافيه
مبآرك ال خليفـه
15-11-2009, 06:01 PM
العرض الشجري