ياساري الليل لاتسري على شـاني ،،،،، ريــح ضمــيرك ورجــلك لا تـعنـيها
أنا أدري انك بكل احساس ترعاني ،،،،، لكـن أمــورن بنفسي مـاقـدر أبديها
لاصار غدر السنين أشكال وألواني ،،،،، غصب تـموت القلــوب ودمـها فيـها
وأنا زماني سرى والنـوم ماجــاني ،،،،، والنفس دايـم تحن لـذكر مـاضــيها
مـاضي ذكـرته وعنه الوقت نحاني ،،،،، لكـن وش أقــول والحكـمة لوالــيها
مـادام ذاك الـزمــان أقـفـا وخــلاني ،،،،، صـبرت والنفـس مـاضــيها يكفــيها
أسـوق قلب صـوابـه هــز وجـداني ،،،،، عـرايس الطيف ما يرتــاح راعيــها
خـايف يجـدد عنـاي الموقف الثاني ،،،،، والصبح أبي ليلـتي مـاعـاد ألاقــيها
تـرجـع كما ليـلة في ذاك الأزمــاني ،،،،، وأصبح علي الصباح وغاب طاريها
ياساري الليـل ليلك حـرك أشجـاني ،،،،، ذكــرتني حــاجـة مــا نيب ناســــيها
لا قلت أبصد وأدله بعض الأحيـاني ،،،،، راحت وعـادت بها الـذكرى تمشيها
خــوافي الــروح تـامـرني وتنـهاني ،،،،، أيـــام تقـــوى علـي وأيــام أقـاويــها
يثـيرها الهاجس اللي جـدد أحــزاني ،،،،، مشــاعــر تسـتجـيب لمـن ينــاديـها
ريـح الندى من لذيذ النـوم صحاني ،،،،، يعــــانق النفـس ويــرد الأمــل فيـها
03-12-2009, 11:46 PM
العرض العادي
