نــــبــض الــمشــــاعـــــر

[محمد ابن عكشان]

السلام عليكم ورحمة الله وبركاته



هنا سيكون متصفحي الخاص أتمنى ان ينال على أعجابكم


أنتظروانا

[محمد ابن عكشان]

يا حبيـبٍ صـد مافيهـا كـلام
تـلّ كبـدي وأنقطـع معلوقهـا
قـام يفلقهـا وخلاّهـا حطـام
قلت ليه ؟ وقـال عـدّ فلوقهـا
يوم جاء في نيّته نقطـة نظـام
طيرّ طيـور الجفـا بسبوقهـا
عقب كنّا في محبّـه وانسجـام
نقطف ثمار الهـوى ونذوقهـا
ذعذع الهجر ونشى مزن الخصام
وقامت الفرقـا تلـوح بروقهـا
ما يعزيني سوى نـوح الحمـام
شلت طاروقي علـى طاروقهـا
وش حصلّك وانت لك قدر ومقام
لهجتك مـا ينفهـم منطوقهـا
ليه تذبحني وأنا ذبحـي حـرام
ماتضيع عهـودي ولا أبوقهـا
أذكر أني يوم زاد بـك الهيـام
قلت لك سوق المشاعر سوقهـا
مايفيد الرمي من تحت الحـزام
أرم .. من حدب الضلوع وفوقها
صابرن والطقّ ما فـكّ اللحـام
والليالـي شـرّهـا بحلوقـهـا
صار في شخصيتي شبه انفصام
رحت اطشّ السالفـه واحوقهـا
أكثر العشاق في سلـم الغـرام
يفتـح الله ضايعـات حقوقهـا
خاتمك بالمسك يا مسك الختـام
طبت يا شفّ الجروح وذوقهـا
كان عذرك مانـي بقـد المقـام
الخطايـا .. قافلـن صندوقهـا
لكن اصبر لين ابلّغـك السـلام
من عيونن شالتك فـي موقهـا
العيون اللـي تحبّـك بانتظـام
كل بادي ليـل ترسـل شوقهـا

[محمد ابن عكشان]

احلى من الرنج ياسلمان سواقه=ذي كلمة في قصيدي جات موثوقه
دون الملا ميزه بالزين خلاقه=وياخيك في ذمتي ماهي بمخلوقه
الا ملاك تجلى والحسن فاقه=والقلب من نظرته تله من عروقه

[محمد ابن عكشان]

عقبال ياماخذ فـؤادي ميـة عـام ..
.. ضيعتني منك وانـا مـا اهتديتـك

لا ..ما نسيتك كيف بانساك مـا دام ..
.. ذكرى الفراق تهزني لـو نسيتـك

حبك قدر وانا على ديـن الاسـلام ..
.. مكتوب في وجه الجبين ورضيتـك

لك في الضمير الود والحشمه اتوام ..
.. ولي في ضميرك مثل ما انا بغيتـك

[محمد ابن عكشان]

لاصار مالي عند الاقصين حاجه__ هذا ترى من طيب روس القريبين
والوقت ما وافق مزاجي مزاجه__ لأني على ديني و وقتي على دين
آرد زلال الجم مآرد هماجه__ ورفع جنابي عن صفوف الهزيلين
وحقي مع اللي لاضحكلي حجاجه__آطى برجلي روس كل الثعابين

[محمد ابن عكشان]

يازين شوف الربيع وزين شوف المطر
0000000000000وشوف الغيوم المخيله تمطرامزونها
ويازينه شوف الدلال بوسط بيت الشعر
0000000000000والنجروالبن والمحماس من دونها
ويازين شوف الحليب ومعه رغو وتمر
0000000000000ومقدمه للرجال اللي يحبونها
والبيت للاد روقٍ وشب فيه السمر
0000000000000في جلسة زينهاوالناس ينصونها
والذود يسرح ويرعى وسط روضٍ خضر
0000000000000من دونه قروم برعونه ويحمونها

[محمد ابن عكشان]

الصمت حكمه والحكـي مصـدر إفـلاس
ولقيـت فـي صمتـي يزيـد احتـرامـي
الصمت له معنى وله ذوق وإحساس
مركـب نجاتـك فـي بحـور الظـلامـي

[محمد ابن عكشان]

صحيـح ماكـل المخاليـق بتحـب = لكـن فيـهـا مـاتـدوم المحـبـه
ماكـل مخلـوقٍ تحبـه ولا حـب = ولاكل مـن حبـك حبيبـي محبـه
بعض العرب مملوح هرجه وينحب = ما حب لـو كـل الخلايـق تحبـه
وبعض العرب لا حب بالحيل يتحب = وبعض العرب مايقتله غيـر حبـه
أعظم جروح الحب لا خانك محـب = وأكبر ذنوب الحـب فرقـا الأحبـه

[محمد ابن عكشان]

تنطفي بليل وسط القلب شمعه++وتظلم الدنيا علي حزت غيابك
نجمتي لاطال هجرك دون لمعه++وصفحتي مطويتن باخر كتابك
حالتي مثل الذي يسقيه دمعه++يوم يضما هاقي الماء في سرابك

[محمد ابن عكشان]

فدا رمش العيون السود رمشى=ونظرات الغرام اللى عليها
كذا أحلى كذا يابنت اخشى=أمانه لثمتك لاتنزعيها
أشوف الناس توقف لك وتمشى=حواليك وتجى وتروح فيها
وكل ما هبهبك عطر الجيفينشى=عليك نفوس ...... والديها
خذيتى من جمال الحضر كل شى=ومن حسن البداوه مقلتيها
تباهى فى عريض السوق وامشى=على قلوب العذارا واحرقيها