ماحدن يجبر عزانا..

[ابن خرصان الشامري]

السلام عليكم

مساكمـ / صباكمـ.... خــير ومسرات ..

هذي قصيدة رثــاء في جدي الشيخ / خرصــان بن ناصر آل خرصــان ..(رحمه الله)

وما تأخررت القصيده الا بسبب الاختبارات والا ودي اني كاتبها من زمان والله يوفق الجميع ..


((ماحدن يجبر عزانا))

لـو محـاجــرنـا تجــــرّح مـن بكـــانا
مــانـهـم الوقــت لــو إنـــا بكــــينا
ولــو بكــانا يسـّتـــرد النـا اخـويـــانا
كــان نبكــي لــين نغـرق للجبـــينا
ويــوم مـات الشـايـب اللي هـو ذرانا
والله إنـا عقب موتــه مــا سلـــينا
جــعل ربــي يـرحــمه عــند إلتقــــانا
في نهــار ٍتحشــر العــالم سنـــينا
والله إنـــه فـي حيــــاتــه هـــو دوانا
والله إنـه ذخـرنا نــعــــم الـعــوينا
في شبــابــه لازهـمـــتـه ما تـــــوانا
وفي مشيبه هيبته غصب ٍعلــــينا
عــم طيبه كـــل ربـــعــه واحـــتـوانا
ودام عــزه لو يموت اليوم فــــينا
بالمـــدايـــح مايــوفــّـــــيـه اللــســانا
كاسـب الطــولات في دنيــا ودينا
وفي مماته ماحـدن يجـــبر عـــزانا
غــير رب ٍفـي سمـــانا مـعتلـــينا
والعمــــر لاطــــال لابــــد ايــــــتدانا
النبي قــد مــات خـير المرســـينا
دنــــيـة ٍ لابـــد تـِلحـــقـنا مــــــدانا
مابقى ياكــــود ذكــر الطيّيـــينا
مــثل ابـو ناصــر تـرانا ثـــم تـــرانا
مانســينا فعــــله الطيّب وجـــينا
مــا لــه إلا مــا نحرمـه مــن دعــانا
والله إن نبــطي وحنـا مانســـينا
غــير نصـبر والصــبر آخــر جــدانا
نصــطـبر والله يعين الصابــرينا

ناصر بن مانع بن خرصان

[عمر بن فراس]

السلام عليكم ورحمة الله وبركاته


صح الله السانك يابن خرصان
والله يرحم جدك ويسكنه الجنه
والقصيده لاتعليق

[واحد من العوازم]

صح السانك وعضمه الله اجرك
الله يرحمه ويرحم جميع المسلمين
تقبل مروري
اخوك....واحد من العوازم

[بنت الزعبي ..]

السلام عليكم ورحمة الله وبركاته

الله يبيحه ومثواه الجنه

صح لسانك

تقبل حضورى المتواضع

[سعوود العجمي]

صح للســانكــ

ولاهنت ع الجزله

تقبل مروري

[أبو حسنة]

صح اللسانك ولا هنت ع الجزلة

تقبل مروري

إخيكـ :. أبو حسنة

[فلاح بن ملبز]

الله يرحمه ويسكنه الجنه

ولاهنت يا الخرصاني

[من العجمان]

عظم الله اجركم

لاهنت

[فهد بن مطلق]

صح الله لسانك

والله يحرمه ويسكنه الجنه !

لاهنت على هذا الشعور الطيب ..

[كلاش]

حياك الله والله يرحمه ويغفر له

وعلومه طيبة وحبه لعمل الخير وخاصه في رمضان وتفطير الصائمين
في استراحته الي على طريق الخرج

ومن الشيبان الي علومهم طيبه دين ودنياء

اشهد على ذلك

الله يرحمه واموات المسلمين