(( حط النقط فوق الحروووف ))

[بندر التركي]

السلام عليكم ورحمة الله وبركاته



( حط النقط فوق الحروووف )

::::


صلو على النبي ....



انت كانك فيك رحمة وقلبك فيـه خـوف
خاف ربـك مـر كبـد الضمـان وبلهـا


لاتعلقها على الوقت وحساب الضـروف
الضروف اطلب عزيـز الجـلال يحلهـا


لو تجاهل جرح واحـد وخليتـه يطـوف
ويش عذرك وانت سبة جروحـي كلهـا


لامتـى وانـا عيونـي تحـرى للقنـوف
لا وصلني من مطرهـا ولا مـن ظلهـا


لامتى قلبـي يعـذرك وتقنعـه الحلـوف
كل ما قلت انتهى الصبـر قـال امهلهـا


كان به عقب التعب شي باقول مخلـوف
البـلا تقفـي عليـك السنـيـن بدلـهـا


ما على الدنيا وأهلها الى راحت حسـوف
الحسايف مـوت نفـس الشجـاع بذلهـا


انتضرتك لين مليت من طـول الوقـوف
ما بقـا الا دمعـة ٍ مـا قـدرت أهلهـا


الدموع اتنقص الرجل وسلاح الضعـوف
ما تناسبنـي ولانـي علـى درب ٍ لهـا


وانت تدري كل نفسٍ على الدنيا عيـوف
لو تجامل عام عامين مـا يحصـل لهـا


كل ما فكرت احدك على الفرقى وسوف
اقنـع النفـس وتناسـا طـرى طارٍلهـا


في رواية عارفـه أو روايـة فيلسـوف
من يدور حاجتـه يتعـب وياصـل لهـا


والتعب يقضي على النفس وتمل الشفوف
لـو يطـول يصيبهـا بالملـل ويعلـهـا


كان ما صدقتني التفـت فينـي وشـوف
شوف حالـي مـن دروب العنـا ياملهـا


وانت مشغلتك عيونك وخـدك والكفـوف
وان سألتـك قلـت قـل للقصايـد قلهـا


ليه والترتيب الاول على كـل الصفـوف
من جمالك تستريح البنـي احسـن لهـا


بس لو انك تحط النقط فـوق الحـروف
والنواقص كل مـا تنقصـك تفطـن لهـا


كان عطرت المشاعر وجريت الضيـوف
واستفزيـت القصايـد وجـات بحلـهـا


وكل بيتٍ ما يجيلك على الذوق محـذوف
ليـن اصفيهـا علـى رغبتـك وازلهـا


انت ما تشبـه منايـر ولاتشبـه ريـوف
خل هـذي غيـر عنهـا وهـذي خلهـا


يا بعد هذي وهـذي ويـا بعـد الالـوف
انت من ما تت عليـه الصـدور بغلهـا


مرتكي لك في وسط جوف ومغطيه جوف
مستريـحٍ بيـن دق الضلـوع وجلـهـا


تحتك فراش الكرامه وفوقك فرو صوف
ان بغيـت اتشلهـا وان بغيـت اتفلـهـا


ولو بكيفي ما تشاهد خسوف ولا كسـوف
لاتراسلـك الاوادم ولا تـرسـل لـهـا


غيرداو جروحي اللي من اسبابك وروف
لا تقول انه ما يوجـد لديـك ادوىٍ لهـا


من سواتك صار قلبي معرض للصـدوف
كل ما حلت مصيبـه طلـع زبـن الهـا


والعرب لو في يديها تقاريـر وكشـوف
كان ما راحت اتحـط العـرب وتشلهـا


ما يحس بلوعة العشق والعشق معـروف
كون من روحـه خيـوط الغـرام اتلهـا


هذا انا عذبت نفسي على جـرة هنـوف
متعـب اقدامـي علـى دربهـا لعلـهـا


ليه لا وانا الى من تذكـرت الوصـوف
اتذكـر مهـرةٍ وصفهـا وصـفٍ لـهـا


مهـرةٍ خيالهـا مـا تعديهـا السـيـوف
لـو يبيلـه ديـرةٍ فـي شـوي احتلهـا


ليتها ماهي تعـذر وتبعدهـا الضـروف
وليتها ما هـي بسبـة جروحـي كلهـا



:::: وسلامة نواظركم ::::




الشآآآعر

بدر بن صـــــالح


للأستماع

http://www.youtube.com/watch?v=G0G8T...eature=related