دام (الغلا) في عيونك يعتبـر حوبـه
........................... خلاص دربك خضر لاتطـري الرجعـه
النفس طابت وبعلـن عقبـك التوبـه
........................... فرقاك واجب وقربـك يعتبـر بدعـه
كلمة كبيره عليـك اليـوم محسوبـه
........................... هزّت كياني وسالـت عقبهـا دمعـه
دمعة قهر تسلب الرجـال مـن ثوبـه
........................... من حرّها كن عقلـي فاقـدن سمعـه
وكن الحنايا بهـا النيـران مشبوبـه
........................... ومشاعرن غايبـه ماهيـب مقتنعـه
معقول هذي رسالـه منـك مكتوبـه
........................... معقول مات (الغلا) بك وأنقطع نبعـه
معقول هرجك معـي بتغيـر أسلوبـه
........................... وتخالف أسلوب حبٍ عاجبـك طبعـه
الحين كثر (الغـلا) سميتـه عقوبـه
........................... ونزلت قدر (الغلا) وأول لـه الرفعـه
الله مكبـر خطـاك ومكثـر ذنـوبـه
........................... وشلون ذاك (الغلا) يستاهل الصفعـه
هذا جزاء (الحب) و(الاخلاص) ودروبه
........................... هذا جزاء اللي يحب ويعشق الجمعـه
هذا جزاء اللي بناء لك طوبه وطوبـه
........................... وعمّر لك البيت جوف (القلب) بالربعه
ماني مصدق غلانـا يصبـح كذوبـه
........................... ويموت بستان حـبٍ حافـظٍ زرعـه
خلاص يكفـي كـذا مانيـب لعبوبـه
........................... رح في طريقك ولا تطري لك الرجعـه
----> لـ خـالـد بـن سـكـرأإن .~
12-02-2010, 12:57 AM
$$$$$,,[[ ~ فرقآإك وأجب وقربك يعتبر بدعه ~]],,$$$$$
العرض الشجري