جلست في غرب الجبيهه بعمان=على مطلن كل ضايق يدله

[مسري الجيش]

السلام عليكم ورحمة الله وبركاته .. مساء .. صباح الخير للجميع

جلست في غرب الجبيهه بعمان=على مطلن كل ضايق يدله
مشرف على البقعا بحزة امسيان=والشمس لحظة غيبته فاطنله
ما هو مطل العشق مرقاب الاحزان=ياكن في رأسه عنا الكون كله
قدامي الذكرى فيافي ووديان=ورسوم من ضيم الزمن مضمحله
قربت عدواني وبعدت خلان=وصفنت في عز الليالي وذله
عشت الحياة وشفت زودن ونقصان=وجربت غربة موطنن ما نمله
شفت الليالي بين رابح وخسران=تفرحك يوم وتنكبك مسفهله
دنياك ما تصفي لحاكم وشيخان=تدور دورات الفلك في محله
وين الرجال اللي لهم بالعلا شان=عقب القمر صاروا سوات الاهله
بقعا نكبتهم مثل نكبات لبنان=وقصرن تهده ما تظلل بظله
لفّت بي الذكرى سفينه وربان=والأرض راجت بي على غير حله
ذكرت ماضين الفعايل بالأكوان=أهل الفزع وقت النفوس المغله
وذكرت من سمي بفعله كحيلان=وقت الملاقا سيف بقعا يسله
لا عاد يومن بشروبي ولا كان=يومن تعدا يومهم ما وصله
عشنا زمانن ما فهمنا له لسان=ونمشي مجامل في زمان الممله
في عولمة فكر الحضارة والأوطان=وسياسة التنظير مذهب ومله
كالطير ما ينفع مطيره بجنحان=وراعيه في وكر العنا رابطله
ولا عاد يومن رحت حزة امسيان=على مطلن كل ضايق يدله




وسلامتكم ..

ان شاءالله القصيده تحوز على اعجابكم ورضاكم

اخوكم .. مسري الجيش