السلام عليكم
انا على دربي نحرت القوافي***مثل الكريم الي نحر خيرت ابله
مادام فكري ياهل العرف صافي***اخترت قوسي ثم تخيرت نبله
آزن حروف الشعر واعز قافي***متلهفٍ يرسم على الخد قبله
الشعر شيخٍ في مقامه سنافي***في واجبي لبا وانا من كتب له
بشتٍ حساويٍ على المتن ضافي***ملبوس ضيفٍ غاليٍ آحسب له
وإن عودت صوب العلوم الخوافي***ماهمني الطبال لاطق طبله
يلي تخيل البرق والجو صافي***عوّد علي دونك ترى البرق قبله
ابشر بها ياصاحبي جت عوافي***احذّرك لاتنهزم مثل جبله
قبل الملاقى بالسيوف الرهافي***ويهلّ رعادٍ على الراس وبله
الي كتبه الله لزومٍ يشافي***والآدمي يصبر على ماكتب له
وانا سريت اليل جايع وحافي***ترى الاسد يعرف لما جاك شبله
لشواط سبعه للسعي والطوافي***وزمزم ترى ماها حسب ماشرب له
ماهمني غير القلوب النضافي***وأن جاني المجنون مزيت حبله
وأن قلت يكفي ماحصل قلت كافي***عنتر ترى موته ولابعد عبله
20-02-2010, 09:54 AM
العرض الشجري