ماني معاتبه دامه طول غيابه ....

[مزاج بدوي]

ماني معاتب مدامه طــول غيابــه
الله يعلم وش اللـي غير دروبــه
ياصاحبي لاتــعذر والله ادرابــه
وكلن ذنوبه عليه اليوم محسوبه
كنت احسب اني اذا قربت احيابه
واثره بقربه تصير الحال مقلوبه
ارخصت غيره يوم القلب هلا به
واليوم اشوفه تغير حيل بإسلوبه
ازعل اليامن اعز الناس اغتابه
وافرح بمدحه اليامن هبت اهبوبه
جيته من اقصاي كلي وانقفل بابه
حسبي على اللي تمادى بحق محبوبه
وشلون يطري عليه اصير طلابه
عزاه للي وليفه صار مطلوبه
صبرت وقلت يمكن يراجع حسابه
يمكن يصحح خطاه ويعلن التوبه
مرات اقول ((آآآه)) ليت الحظ ماجابه
ومرات احمل على نفسي من ذنوبه
ياما عطيناه بس الكبر غنابه
طبعه يحير .. وهذي اكبر عيوبه
دامه هجر بالسلامه قلي وش جابه ؟؟؟
اخوي لامنه غدر اكره دروبه..!!