الضيف عند العرب كرامته تنذبح =متمم المصطفي مكارم أخلاقها
يمسي ويصبح عزيز ويغتبق يصتبح=أجواد للضيف تحلب خيرة إنياقها
والناس فيهم مشاكيل(ن) وفيهم وبح=مثل الذهب والنحاس بجملة أسواقها
صحيح مامن وري المثبور فود وربح=مع المره وين ما تمشي علي ساقها
نظرته دنيا ولا ضرت بعيد الشبح=الحنظله حنظله لو تخضر أوراقها
في غبة الحكي والنمه بهرجه سبح=سوي كباري وهدمها علي أنفاقها
ما فيه مره لبهتانه وزوره كبح=والنفس لا نافقت ما تترك إنفاقها
وش عاد لو مركبه رزريز وألا شبح=الله خلق كل نفس وقسم أرزاقها
يا وش علي الذيب من حجلان لامن نبح=ما يقرب الميته وإن جاع ما ذاقها
هجوس فكري تجي في ليل وألا صبح=غيمه رعدها يصوت قبل براقها
عشقتها عشق أبو عامر بعشقه صبح=لو كان ما حصل ألا نظرت أشواقها
قامت تنادي علي بصوت(ن)أرخم وأبح=تقول محبوبتك لا تعلن إفراقها
قلت السموحه وروح اليوم عني وبح=مع السلامه وخلق الله لخلاقها
العرض الشجري