قصيدة جميلة
لا جات بقعـا والبـلاوي مراديـف=نصمد لها لو كـان ماهـي خفيفـه
والكار كار اللي يعرف المعاريـف=في الباس فرق بين غمـده وسيفـه
ما تخلفه من صوب بقعا صواديـف=ولا التفت لهـل العـزوم الضعيفـه
ومن لا يميز بين نـواف ومنيـف=كبـه ويلقـا بالـرذالـه رديـفـه
ورفيقي اللي يـوم يلحقنـي الحيـف=يفز لي مـن طيـب نفـس شريفـه
افز له في ساع الـى لفـا ضيـف=واردّ مـن دونـه لمـور الكليـفـه
والى حصل في مقبل الوقت تصريف=ما نرتضي عند النصف بالنصيفـه
ناطا الجمر لو كان فيهـا تكاليـف=ما ترتضـي بالـذل نفـس عفيفـه
غصباً على الباير نرقى المشاريـف=واللي قصر من دون ربعـه نعيفـه
الشاعر متذوق
العرض الشجري