×× القلــب ماباعـــكـ ××..!؟

[لآتبرٍرٍ ليً خُطآك}~]

، ،
،


القلب ماباعك.. على شان تنساه
لاواحسافه ليه غبت ونسيته؟



× ×

هذا جزا من متعك في عطاياه
وألا هواك أنسان غيري وهويته



× ×

كل مابغيت القلب ترجع وتلقاه
ماكان يقصر فيك مهما عصيته



× ×

يجيك قلبي مندفع لك من أقصاه
لامن بغيته بأي حاجه وجيته



× ×

ماكل شخصن يوصل اللي تمناه
وأنت بوجودي توصل اللي بغيته



× ×

لأجلك خسرت أنسان غالي وذكراه
تهز قلبي وأحترق لاطريته



× ×

هذاك لامني تزاعلت وياه
خليت كل الناس ومريت بيته



× ×

عزاه لوأنه نساني وعزاه
يوم أتصلت بهاتفه.. مالقيته



× ×

أيوالله أنه غاب وقلبي تحراه
وأقول ليته مانساني وليته



× ×

يذكر حبيب ضاع عمره بلياه
ويذكر غلاي وكل شي عطيته



× ×

القلب به همين وكل هم مقساه
عذبني الأول والآخر بكيته



× ×

لما عشيره راح عنه وخلاه
ولما أخذت اللي تبيه.... ونسيته!؟