كلنا يا أبو فهد كلنا تحت الأمر=في سهول أرض الجزيره وروس أهضابها

sufrany · #1 16-09-2004, 07:27 AM

قصيدة في أمير الرياض

مرحبا بك يا طويل العمر عقب السفر=نجد لبست في قدومك جديد ثيابها

غيبتك لو هي ثواني كما مدة شهر=في صدر نجد العذيه وعند أحبابها

يا هلا بك عد ما هل همال المطر=والمثايل فتحت للقلوب أبوابها

والقصايد فيك يا سيدي نحت بصخر=والصفات الطيبه عجزت كتابها

من ضمير اللي تهيض ويغرف من بحر=يوم في وصفك جزيل القوافي جابها

للسوالف ناس تهرج علي ضوء القمر=وللمساجد يا طويل العمر خطابها

وللمعارك يا سليل الشرف سيف وقبر=والقبايل في لزومك تجي غيابها

القبايل ساس هذا الوطن دب الدهر=وأرضنا هي عرضنا ما نخون أترابها

سيدي ما نستمع هرج زيد ولا عمر=زمرة التخريب يالع بها مشهابها

كلنا يا أبو فهد كلنا تحت الأمر=في سهول أرض الجزيره وروس أهضابها

بالنيابه عن ربوعي وأنا ما لي عذر=كان خضت البحر خضناه قبل أعرابها

عهدنا من عصر جدي ليا هذا العصر=العيال بكل واجب قبل شيابها

عهدجدي حافظينه ندرسه البزر=للحرايب يا طويل العمر حرابها

لا دعينا نارد الشر والموت الحمر=من رجال(ن)للمواقف تمس أشنابها

والله أن حنا فدي(ن)لك لا جاء وقت الخطر=كل نفس لا دنت ما تعرف أسبابها

دون شرع الله ودون الوطن كل(ن)حضر=وأنت زيزوم القبايل تفك أنشابها

وأنت سيف الفهد وأنت الأسد وأنت النمر=الأفاعي من عيونك تطيح أنيابها

أنت في عينيك يا أبو فهد خير(ن) وشر=شر لأعداها وخير(ن)يعم أصحابها

ما لنا من دون كفك ومعروفك فخر=كل كرمان الحمايل ملكت أرقابها

دارنا للضيف والحاج واللي معتمر=سترها سلمان أمير الرياض أحجابها

بالكرم والحلم واللين والباس أشتهر=تخمر أطيور الجزيره لا حام أعقابها

في ختام القول أصلي علي خير البشر=الرسول وطاعة أولي الأمر وصابها

فلاح ال مخلص · #2 16-09-2004, 08:08 AM

صح لسانك

وبيض الله وجهك

جززززززززززززززززززل وترفع الراااااااااااااس

الـزيـر سـالـم · #3 16-09-2004, 08:33 AM

صح لسااااانك

قصيدة جزله

لا هنت يالسفراني

عهدنا من عصر جدي ليا هذا العصر
العيال بكل واجب قبل شيابها

عهدجدي حافظينه ندرسه البزر
للحرايب يا طويل العمر حرابها

لا دعينا نارد الشر والموت الحمر
من رجال(ن) للمواقف تمس أشنابها

لا تحرمنا من جديدك