لا تنبش الصمت .! لو يغريك . كُبر الفضول
لو ذقت طعـم المعرفـة .؟ مـا تجاهلتهـا
اتركني ارحل مع حلـم السنيـن . الجفـول
اللي علـى شانـه طعونـك . تحمّلتهـا .!
لا تعتذر .، والعـذر ماهـوب لاقـي قبـول
واعـذارك اللـي تسيمنهـا .؟ تهيزلتـهـا
رح إنشد اجمل سنين العمر .شف وش تقول
بتعلّمـك حاجـة ٍ فالصـدر . مـا قلتـهـا
إنّي أحبك . وخطـوات الزمـان العجـول.؟
ماهي عجولة .! ولكن ليـه.. عجّلتهـا .؟
لحق الأحاسيس .! من كبر الخيانة .. ذبـول
ابيك تهتّـم فيهـا .! وإثـرك . أهملتهـا .!
ضيقة صدر .وإنكسار أحلام عمر .. وذهول
لحظة وداعك.؟ مثـل مانـا .. تخيّلتهـا .!
احساسي انّي كرهتك . في غيابك .! خجـول
فكـرة غيابـك .! غريبـه .. مـا تقبّلتهـا
ولكن اسمع .! قبل ترحل . وشف وش بآقول
بآعلّمـك حاجـة ٍ فالصـدر .! مـا قلتهـا
لا عاد تشره .، على حلم السنيـن الجفـول
بعـد خذيـت أجمـل الأحـلام .! وإغتلتهـا
للمـــبدع / سعد مناحي الدوســـري ..
14-05-2010, 10:58 PM
ضــيقة صــدر ..
العرض الشجري