بدون عنــــــوان

[خالد بن جفن]

مصافحه جديده عسى أن تحوز رضاكم وأكون ضيف خفيف الظل

يامل قلب (ن) من عنى الحب شفقان = ومعذبه بالشوق قولة حسافه
معذبه ليتن وكلا بعد كان = في بعدها روحه عليها كلافه
يطري بها صرحن لهم روض بستان = طير السعد غرد بليا مخافه
شوقه بساتين الغلا سحر للوان = عنج(ن) شذاها والدلع بلطافه
ليله سما نجم(ن) تكاشف بلكوان = ضوح الامل يندي عليها ضفافه
يروي لها صافي حنانه وبطران = غير الجسد والروح قدّم وشافه
يسقي بها الصافي على حب صدقان = يغرف لها صدق المشاعر عفافه
يطوي بها طيات غين وبهتان = يمزع لها معلاق شي يخافه
يمزع لها في صدقها حب كذبان = في سلم منهو عاشقن له ورافه
قصه قديمه مالها شفت عنوان = فالدفترالبالي وياليت شافه
فيها كتب حرفن لها شوق ذبلان = يشكي محابر هجرها نزف عافه

جريدة الراي
1/5/2010الرابط