استوت توي مضامين المعاني
وانطلق فكري معى طلقة لساني
يا حروفٍ داهمتني دون حاجه
اعتقد ما فات من وقتي كفاني
الزمان الشين كشر لي بنابه
والكلام الزين بحروفه كواني
ليت كل انسان يدري بالمخفا
كان ما عانيت وانا في مكاني
يا وسيع العرف هات اليوم علمك
واستمع مني تعابير البياني
ما بقى لي غير نظره من عيونك
وانت باقي لك على قلبي سواني
الرشا فيها تقطع من غلاتك
والجفا قطع معاليق الاماني
ليه ترميني بنار الهم بدري
يوم حبك بالمحبه قد حواني
خاف من ربك ولا تنسى حقوقي
يوم انا لك بالمحبه شخص ثاني
الوصال اللي اريد انك حبيبي
تعتلي صمت الليالي لو ثواني
واتغزل لين اشوف الجن حولي
تنطرب لابيات في حسنك تعاني
لا تغاري يالغزال الاجوديه
يوم حب الفاتنه عنك طواني
المشاعر واجده لكن شعوري
لخبط حروف المشاعر يوم جاني
كنت اظن ان المحبه بس كلمه
واكتشفت ان الهوى كله مباني
عالم ثاني يشل اسرار قلبي
لين يظهرها على كل المعاني
كلمة احبك ثلاث حروف لكن
شرحها يحتاج منك ترجماني
لا بغيت الشوق ينساني بذكره
يغتشيني والخجل يطوي كياني
حبي اللي فات لا يمكن اعيده
ارحم اللي حبكم يا مودماني
[
17-05-2010, 01:48 PM
العرض العادي
